თბილისის ნონა გაფრინდაშვილის სახელობის ჭადრაკის სასახლეში დასრულებულ საქართველოს  პირველობაზე 1–2 ადგილები 13 შესაძლებლობიდან  9 ქულით გაინაწილეს მერაბ გაგუნაშვილმა და თამაზ გელაშვილმა.

ჩემპიონის ვინაობა 25 იანვარს დამატებითმა თაი–ბრეიქმა გაარკვია. ძირითადი ორი  25 –წუთიანი პარტია ყაიმით დასრულდა.დამატებითი ორი 5– წუთიანი პარტიისგან შემდგარი  მატჩი  გაგუნაშვილის გამარჯვებით დასრულდა და პირველად მოიპოვა ქვეყნის ჩემპიონის ტიტული.

მესამე საპრიზო ადგილზე 8,5 ქულით დავიდ არუთინიანი გავიდა.

დამატებითი შეხვედრები გაიმართა საპრიზო 4–5  ადგილების გამოსავლენად კოკა შანავას  და გაიოზ ნიგალიძეს შორის. 25 –წუთიან პარტიებში თითო გამარჯვება მოიპოვეს მოჭადრაკეებმა. დამატებითი ორი 5– წუთიანი პარტიისგან შემდგარი  მატჩი  კ. შანავას გამარჯვებით დასრულდა.

ტურნირის დებულების თანახმად, პირველ ორ ადგილზე გასულ მოჭადრაკეებს  ქვეყნის ოლიმპიურ  ნაკრებში მოვიწვევთ. პირველ სამ ადგილზე გასულები დაფინანსდებიან ევროპის ვაჟთა ინდივიდუალურ ჩემპიონატზე რომელიც  5 მარტს  ხორვატიის ქალაქ რიეკაში აიღებს  სტარტს.

აღსანიშნავია, რომ ჩემპიონატის ორმა მონაწილემ: გაიოზ ნიგალიძემ და ლუკა პაიჭაძემ საერთაშორისო დიდოსტატის ნორმატივი შეასრულა.

საქართველოს სპორტისა და ახალგაზრდობის საქმეთა დეპარტამენტის მიერ ჩემპიონატში დაწესებული იყო საპრიზო ფონდი:

1 ადგილი  – 4 000 ლარი

2 ადგილი  – 3 500 ლარი

3 ადგილი  – 3 000 ლარი

4 ადგილი  – 2 000 ლარი

5 ადგილი  – 1 000 ლარი

ტურნირის საბოლოო შედეგები:

1–2:   გაგუნაშვილი, გელაშვილი – 9 ქულა

3. არუთინიანი – 8,5ქ. 4–5: შანავა, ნიგალიძე 6.პაიჭაძე – 7,5 7–8:ფანცულაია, ჯოჯუა – 7ქ.  9.ბენიძე – 6ქ. 10–11: მარგველაშვილი, სულაშვილი – 5,5ქ. 12.ჯობავა – 4,5ქ.

13.სანიკიძე – 3,5ქ, 14.ჯავახაძე – 2ქ.