5 მარტს ხორვატიის ქალაქ რიეკაში სტარტს აიღებს და 19 მარტამდე გასტანს ევროპის XI ინდივიდუალური პირველობა ვაჟთა და ქალთა შორის,სადაც გათამაშდებამსოფლიო ჩემპიონატის საგზურები. 6 მარტს ადგილობრივი დროით 15.30 გაიმართება ჩემპიონატის პირველი ტური, ხოლო დასკვნითი თამაში 17 მარტს შედგება; თაი–ბრეიქები და დახურვა 18 მარტსაა დაგეგმილი. ევროპის ჩემპიონატის საპრიზო ფონდი შეადგენს 250,000,00 €. ვაჟთა შორის ჩემპიონი 20 000 € დაჯილდოვდება, ხოლო საუკეთესო ქალი – 10 000 €. კონტინენტის ჩემპიონატზე რეკორდული მონაწილეთა რაოდენობა დაფიქსირდა: ქალთა შორის 165, ვაჟთა შორის კი – 423. სულ უძლიერესის ტიტულისათვის 41 ქვეყნის წარმომადგენლები იბრძოლებენ... ყველაზე მეტი – 84 მოთამაშე რუსეთის სახელით ასპარეზობს.
ჩემპიონატზე საქართველოს ღირსებას დაიცავენ ქვეყნის წამყვანი მოჭადრაკეები:
ვაჟები: 1.ბაადურ ჯობავა– ს/დიდოსტატი, ეროვნული ნაკრების წევრი, ევროპის 2009 წლის ჩემპიონატის პრიზიორი, ქვეყნის #1 რეიტინგი. 2. მერაბ გაგუნაშვილი- ს/დიდოსტატი, ეროვნული ნაკრების წევრი, 2010 წ. საქართველოს ჩემპიონი ვაჟთა შორის. 3. თამაზ გელაშვილი – ს/დიდოსტატი, ეროვნული ნაკრების წევრი, 2010 წ. საქართველოს ვიცე-ჩემპიონი ვაჟთა შორის. 4. დავიდ არუთინიანი - ს/დიდოსტატი, 2010 წ. საქართველოს ვაჟთა ჩემპიონატის ჩემპიონატის პრიზიორი.
1.ნანა ძაგნიძე - ს/დიდოსტატი,ჩემპიონი ოლიმპიური ჩემპიონი, 2009 წ. ქალთა გრან–პრის II პრიზიორი,ეროვნული ნაკრების წევრი.
2. ლელა ჯავახიშვილი - ს/დიდოსტატი, ოლიმპიური ჩემპიონი, ეროვნული ნაკრების წევრი. მრავალი ს/ტურნირების გამარჯვებული.
3.სალომე მელია - ს/დიდოსტატი, ეროვნული ნაკრების წევრი, 2010 წ. საქართველოს ქალთა შორის. მრავალი ს/ტურნირების გამარჯვებული.
4.ნინო ხურციძე - ს/დიდოსტატი, 2010 წ. საქართველოს წევრი, 2010 წ. საქართველოს ვიცე-ჩემპიონი ქალთა შორის.მრავალი ს/ტურნირების გამარჯვებული. 5.მაია ლომინეიშვილი - ს/დიდოსტატი, ოლიმპიური ჩემპიონი,, 2010 წ. საქართველოს ქალთა ჩემპიონატის პრიზიორი.
6.ბელა ხოტენაშვილი - ს/დიდოსტატი, ევროპის გუნდური ჩემპიონატის ვერცხლის პრიზიორი. მრავალი ს/ტურნირების გამარჯვებული.
მიუხედავად იმისა - დიდი სურვილი მაქვს - რომელიმე ქართველი ქალბატონი გახდეს ევროპის ჩემპიონი - მათი არასტაბილურობა მაფიქრებინებს,რომ ხორვატიაში ეს შეუძლებელი იქნება - იმდენად ძლიერი შემადგენლობაა თავმოყრილი! ღმერთმა ქნას - ვცდებოდე!
