1. მიზანი და ამოცანები:

  - ჭადრაკის შემდგომი პოპულარიზაცია;

  - საქართველოს ვაჟთა  71-ე ჩემპიონატის უმაღლესი ლიგის

    მონაწილეთა გამოვლინება.

2. ჩატარების ვადები და ადგილი:

  ტურნირი ტარდება 2011 წლის 14-23 დეკემბერს ქ. თბილისში,

  ჭადრაკის სასახლეში.

  ტურნირის განრიგი:

რეგისტრაცია                 14 დეკემბერი 11.00 - 18.00

გახსნა  15 დეკემბერი 15.00

 I ტური     15 დეკემბერი 15.00...

IX ტური             23 დეკემბერი 11.00

დახურვა           23 დეკემბერი 15.30

3. სისტემა და დროის კონტროლი:

   ტურნირი ტარდება ფიდე-ს წესებით, შცეიცარიული სისტემით,

   9 ტურად. თითოეულს 1 სთ. და 30 წთ. 40 სვლაზე, შემდეგ 30 წთ.

   პარტიის ბოლომდე. პირველი სვლიდან ბოლომდე, ყოველ სვლაზე

   30 წამის დამატებით.

4. მონაწილენი: ტურნირში დაიშვებიან მოჭადრაკეები რეიტინგით

  2200 და ზევით (ფიდეს 01.11.2011 წ. რეიტინგ-სიით).

  ტურნირში მონაწილეობის უფლება აქვს 1-10 მოჭადრაკეს I ლიგის

  შესარჩევი ტურნირიდან. თუ ტურნირში მონაწილეობაზე უარს იტყვის

  I ლიგის შესარჩევი ტურნირიდან 1-10 ადგილზე გასული მოჭადრაკე,

  მაშინ ეს უფლება ენიჭება მომდევნო ადგილზე გასულს.

  I ლიგაში შესარჩევი ტურნირის გარეშე დაშვებული იქნებიან

  მსოფლიოს და ევროპის  ასაკობრივ ჩემპიონატზე – 8,10,12 წ.წ.

  - 1-3 ადგილზე გასული მოჭადრაკეები და 14,16,18,20 წ.წ.

  - 1-10 ადგილზე გასული მოჭადრაკეები.

I ლიგაში მონაწილეობის უფლება აქვთ რეგიონების ჩემპიონატის

  პრიზიორებს.

  საქართველოს ვაჟთა 71-ე ჩემპიონატის უმაღლესი ლიგაში

  დაიშვებიან:

1.            საქართველოს  70–ე ჩემპიონატის 1–3 პრიზიორი;

2.            საქართველოს 2011 წლის  ეროვნული ნაკრების წევრები (ევროპა);

3.            მოჭადრაკეები რეიტინგით 2600 და ზევით (ფიდეს 01.11.2011 წ.

 რეიტინგ-სიით).

  მოჭადრაკეთა და მათ მწვრთნელთა სამივლინებო ხარჯებს

  (მგზავრობა, დაბინავება, კვება, სატურნირო შესატანი) გაიღებენ 

  რეგიონული ორგანიზაციები.

  ტურნირში მონაწილეობისათვის სავალდებულოა საქართველოს

  ჭადრაკის ფედერაციის 2011 წლის საწევროს გადახდა.

5. კვალიფიკაცია: ტურნირში დაითვლება ფიდე-ს რეიტინგი.

6. სატურნირო შესატანი: 20 ლარი.

7. გამარჯვებულთა გამოვლენა:

   გამარჯვებულები გამოვლინდებიან ქულათა მეტი რაოდენობის

   მიხედვით.

   თაი-ბრეიქი: ორი, ან რამოდენიმე მონაწილის მიერ თანაბარი

   რაოდენობის ქულების დაგროვების შემთხვევაში ადგილები

   განაწილდება:

      ა) პროგრესით (რეგრესით);

      ბ) ბუხგოლცი;  

   გ) მოგებების რაოდენობით.   

   მობილური ტელეფონის დარეკვის შემთხვევაში მონაწილეს ეთვლება   

   წაგება.

8. გამარჯვებულნი:

   საქართველოს ვაჟთა 71-ე ჩემპიონატის I ლიგის საუკეთესო

   1-5 მოჭადრაკე დაიშვება საქართველოს ვაჟთა 71-ე ჩემპიონატის

   უმაღლეს ლიგაში, რომელიც გაიმართება 2012 წ. მაისში,

   წრიული სისტემით, 12 მონაწილეს შორის.

   უმაღლეს ლიგაში ვაკანტური ადგილები შეივსება შემდეგი

   პრინციპით:   თუ უმაღლეს ლიგაში მონაწილეობაზე უარს იტყვის

   უფლების მქონე (მოწვეული) მოჭადრაკე, მაშინ ვაკანტური ადგილი

   შეივსება ფედერაციის გამგეობის გადაწყვეტილებით, ხოლო თუ

   უარს იტყვის I ლიგაში 1-5 ადგილზე გასული მოჭადრაკე, მაშინ

   ვაკანტური ადგილი შეივსება I ლიგიდან მომდევნო ადგილზე

   გასული მოჭადრაკით.